ՀՀ ԳԱԱ Հնագիտության և ազգագրության ինստիտուտը և Նոյեմբերյանի համայնքապետարանը հրավիրում են մասնակցելու Կողբ գյուղի Մշակույթի կենտրոնում կազմակերպվող «Ուսումնասիրենք և սիրենք հայոց աշխարհը» ԱՄԱՌԱՅԻՆ ԴՊՐՈՑԻՆ։ Տևողություն. Օգոստոսի 1-5-ին և 8-12-ին (ընդհանուր՝ 10 օր)։ Յուրաքանչյուր դասախոսությունը կտևի 2 ժամ, որից հետո կարող է լինել քննարկում և գործնական վարժություն։ Նպատակ. Մասնակիցներին փոխանցել մասնագիտական հմտություններ՝ հայոց մշակույթն արդյունավետ ուսումնասիրելու, պահպանելու և պաշտպանելու համար, արթնացնել նրանց մեջ հետազոտության ոգին և գորովանքը հայրենի մշակույթի հանդեպ։ Մասնակիցներ. 14 տարեկանից բարձր տարիքի անձինք, որոնք տիրապետում են հայոց լեզվին։ Դասախոսներ. ՀՀ ԳԱԱ Հնագիտության և ազգագրության ինստիտուտի գիտաշխատողներ. Լիլիթ Սիմոնյան, պ.գ.թ., Կարեն Հովհաննիսյան, պ.գ.թ.։ Ծրագիր Հայագիտություն և հոգեբանություն Հայագիտություն և կրոն Հայրենասիրություն և ճանաչողություն Հայագիտությունը գրողների և արվեստագետների երկերում Ժողովրդական երգ-երաժշտություն Բանահյուսություն. էպոսներ, հեքիաթներ, առասպելներ Հայոց մշակույթը և բնությունը Հաղորդակցության մշակույթը հայոց մեջ Հայկական հուշարձան. փաստ, վկայություն, միջավայր, մեկնություն, ընկալում Հացի մշակույթը և հայը Դասախոսությունները կուղեկցվեն պատկերային նյութի ցուցադրությամբ, ձայնագրությունների ունկնդրումով։ Մասնակիցների ցանկությամբ կանցկացվեն նաև արտագնա ուսումնասիրություն-զբոսանքներ։
Ուշադրություն.
Այն մասնակիցներին, ովքեր կհաճախեն 8 և ավելի դասախոսությունների, կտրվեն վկայականներ։