Զեկ. ԱՐԱՐԱՏ ԳԱԲՐԻԵԼՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, և նկատի ունենալով, որ Նոյեմբերյան համայնքի Նոյեմբերյան քաղաքի Դպրոցականների փողոց 15/2 ավտոտնակ հասցեում գտնվող կառույցը՝ ավտոտնակը, կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերում և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Տավուշի մարզի Նոյեմբերյան համայնքի Նոյեմբերյան քաղաքի, Դպրոցականների փողոց 15/2 ավտոտնակ հասցեում գտնվող, 11-004-0049-0158 կադաստրային ծածկագրով 0.0025 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ բնակելի կառուցապատման) և հողամասում գտնվող ընդհանուր՝ 25 քմ արտաքին մակերեսով շինությունը՝ ավտոտնակ (ներքին մակերես 22,2 քմ ), ուղղակի վաճառքով օտարել կառույցն իրականացրած Ժանետա Լազրի Բուդաղյանին:

2. Կառույցի սպասարկման և պահպանման նպատակով հատկացված հողատարածքը և նրա վրա առկա շինությունը օտարել ըստ Հայաստանի Հանրապետության կառավարության 18.05.2006 թվականի թիվ 912-Ն որոշումով սահմանված գներով՝

1) 0.0025 հա մակերեսով հողամասի օտարման գինը սահմանել՝ 30530 (երեսուն հազար հինգ հարյուր երեսուն)  ՀՀ դրամ։

2) 25 քմ ընդհանուր արտաքին մակերեսով կառույցի գինը սահմանել՝ 30230 (երեսուն հազար երկու հարյուր երեսուն) ՀՀ դրամ:

3. Կառույցն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: