ՀՀ Էկոնոմիկայի նախարարության Զբոսաշրջության պետական  կոմիտեի,

ՀՀ  Տարածքային  զարգացման և ենթակառուցվածքների նախարարության, Հայաստանի մարզպետարանների    աջակցությամբ   ՀՀ  Տավուշի մարզի Դիլիջան քաղաքում <<MEDIA ONIX>>   Մշակույթի և տուրիզմի պրոպագանդման ընկերությունը ավանդաբար կազմակերպում է  <<Արվեստների և արհեստների>>    միջազգային      փառատոնը։ 

  Այս տարի փառատոնը նշում է իր 12- ամյա հոբելյանը։

    Փառատոնը  առանձնակի է իր ընդգրկվածությամբ՝ ներկայացված  են  ՀՀ   բոլոր  մարզերի քաղաքային և գյուղական համայնքները,   Հայաստանում ապրող ազգային էթնիկ փոքրամասնությունների ներկայացուցիչներ, միջազգային կառույցներ և այլն։

 Ավանդական այս փառատոնին մասնակցություն են ունենում Հայաստանում հավատարմագրված դեսպաններ, դեսպանությունների,հյուպատուությունների պատվիրակություններ, որոնք   առանձին տաղավարներով ներկայացնում   են  իրենց  երկրների  ֆոլկլյորը՝ մշակույթը, երգն ու պարը, ավանդական արհեստները,ազգային խոհանոցը  զբոսաշրջային գրավչությունները  և այլն։

                    Հայաստանի  բոլոր մարզերի տաղանդաշատ ստեղծագործողների  ներգրավածությունը, աշխարհի տարբեր երկրների  ֆոլկյորի հետ հաղորդակցվելու,  հանրապետության մշակութային կյանքին ինտեգրվելու հնարավորությունը արժեվորում և բովանդակային է դարձնում  ավանդական այս փառատոնը։  Այն նաև  մեկ տասնամյակ շարունակ,  դիլիջանյան գեղատեսիլ բնության գրկում ,  բոլոր մասնակիցներին և  հյուրերին անմոռանալի տոն պարգևելու, մշակութային երկխոսության անգնահատելի առաքելություն է իրականացնում; 

Ինչպես նաև մեկ օրում մեկ տեղում ամբողջ Հայաստանի  մշակութային ներկապնակին ծանոթանալու բացառիկ հնարավորություն է ընձեռում։ 

Մասնակիցներին  հնարավորություն է ընձեռվում ցուցադրել իրենց աշխատանքները, ճանաչելի դառնալ, գնահատվել, ունենալ փորձի փոխանակման  և փորձառության նոր միջավայր

  Սիրով հրավիրում ենք  մարզպետարանի, մարզի քաղաքային և գյուղական համայնքների պաշտոնատար անձանց մասնակցելու այս աննախադեպ մշակութային տոնակատարությանը և աջակցելու  մարզի պատվիրակությանը։

Հրավիրում ենք նաև մարզային լրատվամիջոցներին, հեռուստաընկերություններին։