Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, և նկատի ունենալով, որ Նոյեմբերյան համայնքի գյուղ Բագրատաշեն 19-րդ  փողոց,  թիվ 25/1 խանութ  հասցեում գտնվող կառույցը կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

   ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

 1. Հայաստանի Հանրապետության Տավուշի մարզի Նոյեմբերյան համայնքի գյուղ Բագրատաշեն, 19-րդ փողոց,  թիվ 25/1 խանութ հասցեում գտնվող, 11-016-0236-0111 կադաստարային ծածկագրով 0.01384 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ հասարակական կառուցապատման) և հողամասում գտնվող 86,2 քմ արտաքին մակերեսով շինությունը՝ խանութ, ուղղակի վաճառքով օտարել կառույցն իրականացրած Դավիթ և Սասուն Գառնիկի Աղեկյաններին:

 2. Կառույցի սպասարկման և պահպանման նպատակով հատկացված՝  0.01384 հա մակերեսով հողատարածքը և հողամասի վրա առկա շինությունը օտարել ըստ Հայաստանի Հանրապետության կառավարության 18.05.2006 թվականի թիվ 912-Ն որոշումով սահմանված գներով՝

1) 0.01384 հա մակերեսով հողամասի օտարման գինը կադաստրային արժեքին համապատասխան՝  71250  (138.4 x 514.8) ՀՀ դրամի արժեքով։

 2) 86.2 քմ արտաքին մակերեսով կառույցի գինը՝ 678050 (86.2 x 7866) ՀՀ դրամ արժեքով:

3. Կառույցն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: