Ղեկավարվելով «Տեղական ինքնակառավարման մասին»  օրենքի 18-րդ հոդվածի 1-ին մասի 21-րդ կետով, հաշվի առնելով, որ  Նոյեմբերյան համայնքի գյուղ Կողբ 1-ին փողոց 10/1 հասցեում գտնվող օրինական ճանաչված ավտոտնակը կառուցված չէ  Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Տավուշի մարզի Նոյեմբերյան համայնքի գյուղ Կողբ փողոց 1-ին 10/1 ավտոտնակ հասցեում գտնվող,  11-041-0023-0043 ծածկագրով տարածքում առկա 0.00277 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ բնակելի կառուցապատման) և հողամասում գտնվող 51.03 քմ  արտաքին մակերեսով օրինական ճանաչված  կառույցը՝ ավտոտնակ, ուղղակի վաճառքով օտարել կառույցն իրականացրած Սիմոն Սուրենի  Խասիկյանին:

2. Օրինական ճանաչված կառույցի սպասարկման և պահպանման նպատակով հատկացված հողատարածքի և առկա շինության համար օտարման գին սահմանել՝

    1) 0.00277 հա մակերեսով հողամասի համար՝ 14270 (տասնչորս հազար երկու հարյուր յոթանասուն) ՀՀ դրամ,

   2) 51.03 քմ արտաքին մակերեսով կառույցի համար՝ 44650 (քառասունչորս հազար վեց հարյուր հիսուն) ՀՀ դրամ:

3. Օրինական ճանաչված ավտոտնակն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: