Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, հիմք ընդունելով  2006 թվականի  մայիսի 18-ի Հայաստանի Հանրապետության կառավարության N 912-Ն որոշմամբ հաստատված կարգի 4-րդ բաժնի 35-րդ կետը և նկատի ունենալով, որ  Նոյեմբերյան համայնքի Բերդավան բնակավայրի, 2-րդ փողոց,  թիվ 27/1 հասցեում գտնվող օրինական ճանաչված  կառույցը կառուցված չէ  Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Տավուշի մարզի Նոյեմբերյան համայնքի Բերդավան բնակավայրի, 2-րդ  փողոց, թիվ 27/1 հասցեում գտնվող,  11-019-0043-0016 ծածկագրով համայնքային սեփականություն հանդիսացող 0.00710 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ հասարակական կառուցապատման) և հողամասում գտնվող 3.6 քմ  արտաքին մակերեսով օրինական ճանաչված  կառույցը՝ հասարակական սպասարկման օբյեկտ, ուղղակի վաճառքով օտարել կառույցն իրականացրած Վոլոդյա Հովհաննեսի Օրդանյանին:

2. Օրինական ճանաչված կառույցի սպասարկման և պահպանման նպատակով հատկացված հողատարածքի և առկա շինության համար օտարման գին սահմանել՝

    1) 0.00710 հա մակերեսով հողամասի համար՝ 44100 (քառասունչորս հազար մեկ հարյուր) ՀՀ դրամ,

   2) 3.6 քմ արտաքին մակերեսով կառույցի համար՝ 17850 (տասնյոթ հազար ութ հարյուր հիսուն) ՀՀ դրամ:

3. Օրինական ճանաչված ինքնակամ կառույցն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: