Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, հաշվի առնելով, որ  Նոյեմբերյան համայնք քաղաք Նոյեմբերյան Երևանյան փողոց, 1/5 խանութ հասցեում գտնվող օրինական ճանաչված խանութը կառուցված չէ  Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Տավուշի մարզի Նոյեմբերյան համայնքի քաղաք Նոյեմբերյան Երևանյան փողոց, 1/5 խանութ հասցեում գտնվող,  11-004-0108-0065 կադաստրային ծածկագրով 0.00519 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ հասարակական կառուցապատման) և հողամասում գտնվող օրինական ճանաչված  խանութը՝ ուղղակի վաճառքով օտարել կառույցն իրականացրած Սարգիս Կառլենի Մամյանին:

2. Օրինական ճանաչված կառույցների սպասարկման և պահպանման նպատակով հատկացված հողատարածքի և առկա շինությունների համար սահմանել օտարման գին ըստ Հայաստանի Հանրապետության կառավարության 18.05.2006 թվականի թիվ 912-Ն որոշումով սահմանված գներով՝

1) 0.00519 հա մակերեսով հողամասի համար՝ 63400 (վաթսուներեք հազար չորս հարյուր) ՀՀ դրամ,

2) Օրինական ճանաչված խանութի համար՝ 564750 (հինգ հարյուր վաթսունչորս հազար յոթ հարյուր հիսուն) ՀՀ դրամ:

3. Օրինական ճանաչված ինքնակամ շինությունն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: