Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, և նկատի ունենալով, որ Նոյեմբերյան համայնքի Այրում քաղաքի Պահածոյագործների փողոց,  թիվ 1/2 հասցեում գտնվող  կառույցը կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է  

1. Հայաստանի Հանրապետության Տավուշի մարզի Նոյեմբերյան համայնքի քաղաք Այրում, Պահածոյագործների փողոց, 1/2 հասցեում գտնվող, 11-012-0102-0095 կադաստրային ծածկագրով 0.00188 հա մակերեսով հողամասը (նպատակային նշանակությունը՝ բնակավայրերի, գործառնական նշանակությունը՝ բնակելի կառուցապատման) և հողամասում առկա 18.8 ք.մ արտաքին և 17 ք.մ ներքին  մակերեսով շինությունը՝ խորդանոց, ուղղակի վաճառքով օտարել կառույցն իրականացրած Օֆելյա Վալոդի Միսկարյանին:

2. Կառույցի սպասարկման և պահպանման նպատակով հատկացված հողատարածքը և շինությունն օտարել ըստ Հայաստանի Հանրապետության կառավարության 18.05.2006 թվականի թիվ 912-Ն որոշումով սահմանված գներով՝

1) 0.00188 հա մակերեսով հողամասի օտարման գինը կադաստրային արժեքին համապատասխան՝ 18.8x1221= 23000 ՀՀ դրամ չափով։

 2) 18.8 քմ արտաքին մակերեսով կառույցի գինը՝ 18.8x2418 =  45500 ՀՀ դրամ:

3. Կառույցն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: