Ղեկավարվելով «Նորմատիվ իրավական ակտերի մասին» օրենքի 37-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, հաշվի առնելով, որ  Նոյեմբերյան համայնքի գյուղ Ոսկեպար 12-րդ փողոց 5/10 հասցեում գտնվող օրինական ճանաչված անասնաշենքը,  կառուցված չէ  Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Տավուշի մարզի Նոյեմբերյան համայնքի գյուղ Ոսկեպար 12-րդ փողոց 5/10 անասնաշենք հասցեում գտնվող,  11-049-0233-0002 ծածկագրով 0.04365 հա մակերեսով հողամասը (նպատակային նշանակությունը՝ արդյունաբերության, ընդերքօգտագործման և այլ արտադրական տարածքների, գործառնական նշանակությունը՝ գյուղատնտեսական արտադրական օբեկտների) և հողամասում գտնվող օրինական ճանաչված  կառույցը՝ անասնաշենքը,  ուղղակի վաճառքով օտարել կառույցն իրականացրած Սեյրան Ուսուբի Գրիգորյանին:

2. Օրինական ճանաչված կառույցի սպասարկման և պահպանման նպատակով հատկացված հողատարածքի և առկա շինության համար սահմանել օտարման գին ըստ Հայաստանի Հանրապետության կառավարության 18.05.2006 թվականի թիվ 912-Ն որոշման սահմանված գներով՝

1) 0.04365 հա մակերեսով հողամասի համար՝ 40350 (քառասուն հազար երեք հարյոր հիսուն) ՀՀ դրամ,

2) Օրինական ճանաչված 345․32 քմ արտաքին մակերեսով (ներքին մակերես 290,1 քմ) անասնաշենքի համար՝ 314950 (երեք հարյուր տասնչորս հազար ինը հարյուր հիսուն) ՀՀ դրամ:

3. Օրինական ճանաչված ինքնակամ շինությունը օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում:

5․ Նոյեմբերյան համայնքի ավագանու 24 փետրվարի 2023 թվականի N 45-Ա որոշումը ճանաչել ուժը կորցրած: