|
<<Հույսի կամուրջ>> ՀԿ-ին անհատույց օգտագործման իրավունքով տարածք տրամադրելու մասին հարցի շուրջ համայնքի ղեկավարը զեկուցեց, որ Նոյեմբերյան համայնքի սեփականությունը հանդիսացող Զ.Անդրանիկի փողոց թիվ 1 հասցեում գտնվող շենքը անհատույց օգտագործման իրավունքով տրամադրված է <<Հույսի կամուրջ>> ՀԿ Նոյեմբերյանի մասնաճյուղին: Այժմ այդ շենքը հիմնանորոգվել է, ավելացել է օգտագործելի մակերսը: <<Հույսի կամուրջ>> ՀԿ տնօրինության դիմումի համաձայն անհրաժեշտ է կայացնել համայնքի ավագանու նոր որոշում տարածքը նոր հիմունքներով տրամադրելու վերաբերյալ: Ուսումնասիրելով հարցը և ղեկավարվելով <<Նորմատիվ իրավական ակտերի մասին>> Հայաստանի Հանրապետության օրենքի 37-րդ հոդվածով, <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 21-րդ կետով և հաշվի առնելով <<Հույսի կամուրջ>> ՀԿ Նոյեմբերյանի մասնաճյուղի տնօրենի տարածքն անհատույց օգտագործման իրավունքով հատկացնելու մասին դիմումը ու Նոյեմբերյան համայնքի ղեկավարի առաջարկությունը՝
ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է
-
1. Նոյեմբերյան քաղաքի Զ.Անդրանիկի փողոց թիվ 1 հասցեում գտնվող համայնքային սեփականություն հանդիսացող արտադպրոցական կենտրոնի շենքի ընդհանուր 324,760 քմ մակերեսից՝ կիսանկուղային հարկից 104.74 քմ և առաջին հարկից 151.75 քմ մակերեսով տարածքները, 99 տարի ժամկետով անհատույց օգտագործման իրավունքով տրամադրել <<Հույսի կամուրջ>> ՀԿ Նոյեմբերյանի մասնաճյուղին՝ <<Երեխայի զարգացման և ընտանիքի աջակցության կենտրոնի>> գործունեությունը շարունակելու համար:
2. Ուժը կորցրած ճանաչել Նոյեմբերյան քաղաքի ավագանու 29 դեկտեմբերի 2004 թվականի թիվ 59-Ա որոշումը:
3. Որոշումն ուժի մեջ է մտնում կայացման պահից:
|