Ղեկավարվելով «Տեղական ինքնակառավարման մասին» և «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքներով, հաշվի առնելով, որ մինչև 2010 թվականի «Հայաստանի Հանրապետության վարչատարածքային բաժանման մասին ՀՀ օրենքում փոփոխություններ և լրացումներ կատարելու մասին» ՀՀ օրենքի ընդունումը մարզպետների կառավարմանը հանձնված տարածքները նախկինում ՀՀ նախարարների խորհրդի համապատասխան որոշումներով մշտապես կցվել և օգտագործվել են համայնքների վարչական տարածքում, որի հետևանքով առաջացել են բազում խնդիրներ, որոնք հրատապ լուծման կարիք ունեն՝
ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է
- Հարցի կարգավորման համար առաջարկել Նոյեմբերյան համայնքի ղեկավարին ձեռնարկելու համապատասխան միջոցներ:
- Հաշվի առնելով, այն հանգամանքը, որ Նոյեմբերյան համայնքի կողմից մշտապես օգտագործվող հեռագնա սարամասերն ընդգրկվել են Դիլիջան, Ծաղկավան, Կիրանց և Կողբ համայնքների վարչական սահմաններում, դիմել Դիլիջան, Ծաղկավան, կիրանց և Կողբ համայնքների ավագանիներին, տալու համաձայնություն «Հայաստանի Հանրապետության վարչատարածքային բաժանման մասին» ՀՀ օրենքում, սահմանված կարգով, ըստ սարամասերի նախկին օգտագործման սահմանների, փոփոխություններ կատարելու համար օրենքի նախագիծը ՀՀ կառավարությանը ներկայացնելու համար:
- Առաջարկել համայնքի ղեկավարին՝ անհարժեշտության դեպքում լրացուցիչ տրամադրել հողատարածքների հատակագծերը:
|