Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, և նկատի ունենալով, որ Նոյեմբերյան համայնքի Նոյեմբերյան քաղաքի Երևանյան փողոց 64/8 անասնաշենք հասցեում գտնվող կառույցը՝ անասնաշենքը, կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերում և քաղաքաշինական նորմերի ու կանոնների էական խախտումներով, չի գտնվում ինժեներատրանսպորտային օբյեկտների օտարման ու անվտանգության գոտիներում, չի առաջացնում հարկադիր սերվիտուտ պահանջելու իրավունք՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հայաստանի Հանրապետության Տավուշի մարզի Նոյեմբերյան համայնքի Նոյեմբերյան քաղաքի, Երևանյան փողոց 64/8 անասնաշենք հասցեում գտնվող, 11-004-0157-0002 կադաստրային ծածկագրով 0.00619 հա մակերեսով հողամասը (նպատակային նշանակությունը՝ արդյունաբերության, ընդերքօգտագործման եւ այլ արտադրական նշանակության, գործառնական նշանակությունը՝ գյուղատնտեսական արտադրական օբյեկտների) և հողամասում գտնվող ընդհանուր՝ 61․86 քմ արտաքին մակերեսով շինությունը՝ անասնաշենք (ներքին մակերես 48․8 քմ ), ուղղակի վաճառքով օտարել կառույցն իրականացրած Շամիր Արշալույսի Հարությունյանին:

2. Կառույցի սպասարկման և պահպանման նպատակով հատկացված հողատարածքը և նրա վրա առկա շինությունը օտարել ըստ Հայաստանի Հանրապետության կառավարության 18.05.2006 թվականի թիվ 912-Ն որոշումով սահմանված գներով՝

1) 0.00619 հա մակերեսով հողամասի օտարման գինը սահմանել՝ 75600 (յոթանասունհինգ հազար վեց հարյուր)  ՀՀ դրամ։

2) 61․86 քմ ընդհանուր արտաքին մակերեսով կառույցի գինը սահմանել՝ 149600 (հարյուր քառասունինը հազար վեց հարյուր) ՀՀ դրամ:

3. Կառույցն օգտագործել ըստ նպատակային և գործառնական նշանակության:

4. Գույքն օտարել ըստ Հայաստանի Հանրապետության կառավարության 18 մայիսի 2006 թվականի N 912-Ն որոշմամբ նախատեսված ժամկետներում: