Զբոսաշրջության ոլորտում գործունեություն իրականացնող տնտեսվարողներին

Համայնքում գործող հյուրանոցային և ռեստորանային տնտեսության օբյեկտներին․ 

Տեղեկացնում ենք, որՀայաստանի հյուրանոցային և ռեստորանային ոլորտների զարգացման գործում բարձր որակավորմամբ և մրցունակ աշխատուժի ձևավորմանը նպաստելու նպատակով Հայ-շվեյցարական հյուրընկալության ակադեմիան (այսուհետ՝ Ակադեմիա) EHL (École hôtelière de Lausanne) Group-ի հետ համատեղ մեկնարկում է մասնագիտական ուսուցման միջազգայնորեն ճանաչված ծրագիր` շվեյցարական կրթական մոդելով և լիցենզավորված Լոզանի հյուրընկալության դպրոցի (EHL) կողմից:

Արդեն 2025 թվականի աշնանը Ակադեմիան իր դռները կբացի առաջին ուսանողների համար Հայաստանի մշակութային մայրաքաղաքի սրտում՝ Գյումրիի «Grand Hotel Gyumri by Apricot» հյուրանոցում:

Ակադեմիան առաջարկում է ուսուցում երեք մասնագիտական ուղղություններով՝ «Խոհարարության արվեստ», «Ռեստորանային սպասարկում (F&B)», «Հյուրանոցային վարչարարություն»` ներգրավելով բարձր որակավորմամբ և փորձառու, EHL կողմից վերապատրաստված և հավաստագրված մասնագետ/դասավանդողների: Ուսուցումն իրականացվելու է երեք ամիս՝ աշխատանքի վրա հիմնված ուսուցման սկզբունքով, ևս երեք ամիս՝ աշխատանքային պրակտիկա: Ծրագիրը հաջողությամբ ավարտած ուսանողները կստանան ավարտական սերտիֆիկատ և հնարավորություն կստանան շարունակել ուսումը կրթական հաջորդ մակարդակում կամ անցնել աշխատանքի իրենց մասնագիտությամբ։

Տավուշի մարզում հյուրընկալության ոլորտի ենթակառուցվածքների օրեցօր զարգացող հնարավորություններին զուգահեռ շարունակում է խնդրահարույց մնալ աշխատուժի ներգրավման, մրցունակ կադրերի հավաքագրման խնդիրը։ Այս համատեքստում Ակադեմիան առանձնակի կարևորում է իր աջակցությունը Տավուշի մարզում գործող հյուրանոցների և ռեստորանների համար համապատասխան մասնագետների պատրաստման և որակավորման հարցում:

Ծրագրի մանրամասներին ծանոթացնելու նպատակով ս/թ օգոստոսի 5-ին ժամը 12-00-ին ՀՀ Տավուշի մարզպետի աշխատակազմում տեղի կունենա հանդիպում-քննարկում մարզի շահագրգիռ կազմակերպությունների ներկայացուցիչների հետ:

Լրացուցիչ տեղեկատվության և հարցերի դեպքում Ակադեմիայի ներկայացուցիչների հետ կարելի է կապ հաստատել հետևյալ հեռախոսահամարով՝ +374 11 202500:

Նոյեմբերյանի համայնքապետարանը հայտարարում է Նոյեմբերյան համայնքի սեփականությունը հանդիսացող հողամասերի վարձակալության մրցույթ բաց դասական կարգով:

ՀՀ Տավուշի մարզի Նոյեմբերյանի համայնքապետարանը հայտարարում է համայնքային սեփականություն հանդիսացող գույքի աճուրդ-վաճառք բաց դասական կարգով։

Նոյեմբերյանի համայնքապետարանը հայտարարում է Նոյեմբերյան համայնքի սեփականությունը հանդիսացող հողամասերի վարձակալության մրցույթ բաց դասական կարգով:

ՀՀ Տավուշի մարզի Նոյեմբերյանի համայնքապետարանը հայտարարում է համայնքային սեփականություն հանդիսացող գույքերի աճուրդ-վաճառք բաց դասական կարգով։

Ներկայացնում ենք Էկոնոմիկայի նախարարության  տեղեկատվությունը բնակչության մոտ առաջացած գյուղատնտեսական բնույթի հարցերի վերաբերյալ․

1․ Աջակցել տեղական սերմացուներից օգտվելու իրավական և կազմակերպական խնդիրների լուծման․

-Գյուղատնտեսական մշակաբույսերի բերքատվությունը, տվյալ բնակլիմայական պայմաններում, հիմնականում պայմանավորված է սորտային առանձնահատկություններով, ինչպես նաև կիրառվող ագրոտեխնիկական միջոցառումներով։ Անառարկելի է, որ գյուղատնտեսական հիմնական մշակաբույսերի յուրաքանչյուր հաջորդ վերարտադրության սերմերի մոտ տվյալ սորտին բնորոշ հատկությունները, այդ թվում՝ բերքատվությունը, ինչպեսնաև ցանքային որակները (ծլունակություն, կենսունակություն, մաքրություն և այլն) շարունակաբար նվազում են։

Նկատի ունենալով, որ սերմերի հավաստագիրը գյուղատնտեսական մշակաբույսերի սերմերի ծագումը (սորտ, վերարտադրություն), ցանքային պիտանիությունը և տեխնիկական կանոնակարգերին և սերմնաբուծության բնագավառում գործող նորմատիվային այլ փաստաթղթերին դրանց համապատասխանությունը հավաստող փաստաթուղթ է, ապա արտադրողականության բարձրացման նպատակով Հայաստանի Հանրապետության կառավարության 2025 թվականի մարտի 27-ի N 356-Լ որոշմամբ հաստատված Բուսաբուծության աջակցության 2025 թվականի ծրագրով այսուհետ՝ Ծրագիր 1 սահմանվել է հավաստագրված սերմերով ցանքի պարտադիր պահանջ։ Հարկ է նշել, որ հավաստագրված սերմերի օգտագործումը կանխում է նաև մոլախոտային բուսականության, հիվանդությունների հարուցիչների և վնասատուների տարածումը։ Հաշվի առնելով, որ ներկայումս առանձնապես կարևորվում է բուսաբուծության ոլորտում գիտականորեն հիմնավորված և բարձր ագրոտեխնիկայի կիրառման անհրաժեշտությունը՝ Ծրագիր 1-ում փոփոխության իրականացումը և չհավաստագրված սերմերով ցանքի հնարավորության դիտարկումը չունի բավարար հիմնավորվածություն։ Այնուամենայնիվ, ՀՀ էկոնոմիկայի նախարարության կողմից հաջորդող տարիներին Ծրագրի իրականացման պարագայում կդիտարկվի նաև չհավաստագրված սերմերով ցանքի դիմաց ավելի փոքր գումարի չափով փոխհատուցման տրամադրման հնարավորությունը։

Միաժամանակ, ՀՀ Արագածոտնի մարզի Ճարճակիս վարչական միավորման սերմնարտադրությամբ զբաղվող տնտեսավարողներին առաջարկվում է «Սերմերի և տնկանյութի մասին» ՀՀ օրենքի 8-րդ հոդվածի 7-րդ մասի համաձայն ՀՀ էկոնոմիկայի նախարարության «Գյուղատնտեսական հետազոտությունների և հավաստագրման

կենտրոն» ՊՈԱԿ-ում (հեռ. +374 60-50-06 77, +374 95-50-06-77, էլ․ հասցե՝ inf.carc@gmail.com) հաշվառվել որպես հավաստագրված սերմնարտադրող՝ սերմնարտադրության ընթացքում ապահովելով օրենսդրությամբ սահմանված ընթացակարգերը, որի արդյունքում հնարավոր կլինի տեղում արտադրված սերմը հավաստագրել։

2․ Աջակցել գյուղմթերքների (կաթ, գարի, կարտոֆիլ, ցորեն) մթերման գների օպտիմալացման հարցում:

---Շուկայական տնտեսության պայմաններում գյուղատնտեսական մթերքների, այդ թվում՝ կաթի, կարտոֆիլի, գարու և ցորենի գները ձևավորվում են առաջարկի և պահանջարկի հիման վրա և որոշվում են արտադրող ու գնող մասնավոր տնտեսավարողների փոխադարձ համաձայնությամբ, իսկ Կառավարությունը գյուղատնտեսական մթերքների գնման կամ մթերման գներ սահմանելու լիազորություն չունի։

Չնայած դրան, ՀՀ էկոնոմիկայի նախարարության կողմից իրականացվող Հայաստանի Հանրապետության կառավարության 2019 թվականի փետրվարի 28-ի 201-Լ որոշմամբ հաստատված Գյուղատնտեսական հումքի մթերումների (գնումների) նպատակով տրամադրվող վարկերի տոկոսադրույքների սուբսիդավորման ծրագրի այսուհետ՝ Ծրագիր 2 շրջանակներում տրամադրվող մատչելի պայմաններով վարկերը կարող են նպաստել ծրագրի շրջանակներում վարկեր ներգրավող կազմակերպությունների կողմից մթերվող պտուղբանջարեղենի, խաղողի և կաթի մթերման համեմատաբար բարձր գների ձևավորմանը։

Նոյեմբերյանի համայնքապետարանը հայտարարում է Նոյեմբերյան համայնքի սեփականությունը հանդիսացող հողամասերի վարձակալության մրցույթ բաց դասական կարգով:

Նոյեմբերյան համայնքի հարգելի՛ բնակիչներ,

տեղեկացնում ենք համայնքի անասնապահությամբ զբաղվող ֆերմերներին, սպանդանոցային գործունեություն իրականացնող տնտեսվարող սուբյեկտների պատասխանատուներին, որ սույն թվականի հունիսի 26-ին ժամը 12։00-ին մարզպետարանի վարչական շենքում տեղի կունենա հանդիպում՝ հիմք ընդունելով ՀՀ կառավարության 2024թվականի մայիսի 30-ի «Հայաստանի Հանրապետությունում գյուղատնտեսական կենդանիների համարակալման և հաշվառման ծրագիրը և միջոցառումների կատարման ժամանակացույցը հաստատելու մասին» N 818-Լ որոշման N2 հավելվածի 2-րդ կետը։։

Հանդիպմանը կմասնակցեն նաև ՀՀ էկոնոմիկայի նախարարության և «Ագրոբիզնեսի և գյուղի զարգացման կենտրոն» հիմնադրամի աշխատակիցները։

Հանրային լսում

Նոյեմբերյան համայնքի հարգելի՛ բնակիչներ,

2025 թվականի հուլիսի 15-ին, ժամը 12:00-ին Նոյեմբերյան համայնքի «Նոյեմբերյանի երաժշտական դպրոց» ՀՈԱԿ-ի շենքում կայանալու է 2026-2028թթ․ Միջնաժամկետ բյուջեի ծրագրի քննարկում։

Ակնկալում ենք Ձեր ակտիվ մասնակցությունը:

Հայտարարվում է մրցույթ՝ «Նոյեմբերյան  համայնքի Զորականիմանկապարտեզ» ՀՈԱԿ-ի Ֆիզհրահանգչի (0.25 դրույք) թափուր տեղի համար: Մրցույթն անցկացվում է երկու փուլով՝ թեստավորման և հարցազրույցի: Թեստավորման փուլն անցկացվում է ըստ ՀՀ ԿԳՄՍՆ մշակած հարցաշարի: Հարցազրույցի փուլի հարցաշարը կազմում է հաստատությունը և յուրաքանչյուր մասնակցի հետ հարցազրույցն անցկացնում առանձին:

Մրցույթին մասնակցելու համար պետք է ներկայացնել՝ - դիմում (Ձև 1).

- կրթության մասին փաստաթուղթ (դիպլոմ).

- անձը հաստատող փաստաթուղթ.

- աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում).

- ինքնակենսագրություն (Ձև 4).

- մեկ լուսանկար` 3x4 չափի.

- այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ.

- Հայաստանի Հանրապետության արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական.

- հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):                                                       Տնօրենը փաստաթղթերի բնօրինակները համեմատում է պատճենների հետ և վերադարձնում բնօրինակները: Եթե ներկայացված փաստաթղթերի ցանկն ամբողջական չէ կամ առկա են թերություններ, մասնակիցը կարող է մինչև փաստաթղթերի ընդունման ժամկետի ավարտը վերացնել և համալրել դրանք:

Փաստաթղթերն ընդունվում են 2025թ. հունիսի 16-ից հուլիսի 11-ը ներառյալ, ամեն օր՝ ժամը 09:00-17:00, բացի շաբաթ, կիրակի և ոչ աշխատանքային օրերից:

Մրցույթը տեղի կունենա 2025թ. հուլիսի 17-ին՝ ժամը 14:00-ին, «ՆոյեմբերյանհամայնքիԶորականիմանկապարտեզ» ՀՈԱԿ-ում , հասցե՝ գ.Զորական  փ.1,շ.2:

Տեղեկությունների համար զանգահարել /094/ 80 82 27 հեռախոսահամարով:   

ՀՀ Տավուշի մարզի Նոյեմբերյանի համայնքապետարանը հայտարարում է համայնքային սեփականություն հանդիսացող հողամասերի աճուրդ վաճառք:

Համայնքում գործող հյուրանոցային տնտեսության օբյեկտներին․ 

Իրազեկում ենք, որ ՀՀ Էկոնոմիկայի նախարարի 2024 թվականի օգոստոսի 7–ի N 2014-Լ հրամանով

հաստատվել է «Սոցիալական փաթեթի հանգստի ապահովման ծառայությունում ընդգրկվող զբոսաշրջային

օպերատորների հաշվառման, սոցիալական փաթեթի հանգստի ապահովման ծառայության հաշվետվողական

էլեկտրոնային համակարգում ընդգրկման և հաշվառված զբոսաշրջային օպերատորներին հաշվառումից հանելու

կարգը», որն ուժի մեջ է մտել հոկտեմբերի 3-ից։

Համաձայն հրամանով հաստատված կարգի՝ «Սոցիալական փաթեթ» էջերում զբոսաշրջային փաթեթները և

տուրերը ներկայացվում են գնանշմամբ` զբոսաշրջային փաթեթում առանձին նշելով փաթեթում ներառված

հյուրանոցային ծառայությունների գները:

Ընդ որում՝ զբոսաշրջային փաթեթում նշված հյուրանոցային ծառայության գինը չպետք է գերազանցի տվյալ

հյուրանոցային տնտեսության օբյեկտը շահագործող անձի կողմից հայտարարված հյուրանոցային ծառայությունների

գործող մանրածախ գինը (ավելացված արժեքի հարկ վճարող հյուրանոցային տնտեսության օբյեկտների դեպքում

գները հաշվի են առնվում ներառյալ ավելացված արժեքի հարկը, իսկ ավելացված արժեքի հարկ չվճարող

հյուրանոցային տնտեսության օբյեկտների դեպքում` առանց ավելացված արժեքի հարկի):

📍 Նոյեմբերյան համայնքի «Նոյեմբերյանի թիվ 2 մսուր-մանկապարտեզ» ՀՈԱԿ-ը հայտարարում է հոգեբանի պաշտոնի մրցույթ (0,5 դրույքով)։

Մրցույթին մասնակցելու համար անձը տնօրենին կամ տնօրենի կողմից նշանակված պատասխանատու աշխատակցին է ներկայացնում փաստաթղթերը ՝ հայտարարության հրապարակման օրվանից մինչև ս/թ հուլիսի 9-ը ներառյալ, աշխատանքային օրերին ՝ ժամը 08:45-ից մինչև 17․45։
1) դիմում (Ձև 1)
2) կրթության մասին փաստաթուղթ (դիպլոմ)
3) անձը հաստատող փաստաթուղթ
4) աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում)
5) ինքնակենսագրություն (Ձև 4).
6) մեկ լուսանկար` 3x4 չափի
7) այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ.
8) Հայաստանի Հանրապետության արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական.
9) հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):

Մրցույթը կկայանա 2025 թ․ հուլիսի 10-ին, ժ. 10։00-ին:

Մրցույթի անցկացման վայրը՝ ք․ Նոյեմբերյան, Կամոյի 10 հասցեում։

Բացառիկ համերգ և վարպետաց դաս` Նոյեմբերյանում

Սիրելի´ հայրենակիցներ, Հայաստանում կիթառի փառատոնի շրջանակներում հուլիսի 4-ին`ժ. 18:00-ին, Նոյեմբերյանի մշակույթի կենտրոնում կկայանա համերգ, համաշխարհային ճանաչում ունեցող կիթառիստների կատարմամբ և հուլիսի 5-ին` ժ. 10:00-ին կտրվեն վարպետաց դասեր ճանաչված աստղերի կողմից:

Մուտքն ազատ է, սիրով հրավիրում ենք:

****

Mark Ashford is a world-renowned British classical guitarist recognised for his lyrical artistry and commanding stage presence. Born in Northampton, he trained at Chetham’s School of Music and the Royal Academy of Music, graduating with first class honours before further studies in Spain with Grammy Award-winner David Russell. A laureate of major competitions including BBC Radio Two’s Young Musician and the Alessandria International Guitar Competition, Mark has performed at leading venues such as Wigmore Hall, Buckingham Palace, and the South Bank Centre, as well as across Europe, the USA, China, and the Caribbean. As a soloist, he has appeared with prominent orchestras including the Royal Philharmonic and BBC Concert Orchestra, and his discography spans ten acclaimed recordings, most recently with the Vida Guitar Quartet. Mark is Head of Guitar at the Royal Birmingham Conservatoire, directs the National Youth Guitar Ensemble–Birmingham, and is an Associate of the Royal Academy of Music. He plays a Christopher Dean guitar and is a D’Addario Strings Concert Artist.

Մարկ Էշֆորդը համաշխարհային ճանաչում ունեցող բրիտանացի դասական կիթառահար է, որը հայտնի է իր լիրիկական արվեստով և տպավորիչ բեմական ներկայությամբ։ Ծնված լինելով Նորթհեմպտոնում՝ նա ուսանել է Մանչեստերի Չետեմսի Երաժշտական Դպրոցում և Լոնդոնի Թագավորական Երաժշտական Ակադեմիայում՝ ավարտելով գերազանցությամբ, ապա կատարելագործվել է Իսպանիայում՝ Գրեմմիի մրցանակակիր Դեյվիդ Ռասելի մոտ։ Մարկը մի շարք խոշոր մրցույթների դափնեկիր է, այդ թվում՝ BBC Radio Two-ի «Տարվա Երիտասարդ Երաժիշտ» և Ալեսանդրիայի միջազգային կիթառի մրցույթների, և ելույթ է ունեցել հեղինակավոր բեմերում՝ ինչպես Վիգմոր Հոլլում, Բուքինգհեմյան պալատում, South Bank Centre-ում, այնպես էլ Եվրոպայում, ԱՄՆ-ում, Չինաստանում և Կարիբյան երկրներում։ Որպես մենակատար, նա հանդես է եկել նշանավոր նվագախմբերի հետ, այդ թվում՝ Royal Philharmonic և BBC Concert Orchestra, իսկ իր ձայնագրված տասը ալբոմներից վերջինը թողարկվել է Vida Guitar Quartet-ի հետ։ Մարկը կիթառի բաժնի ղեկավարն է Բիրմինգհեմի Թագավորական Կոնսերվատորիայում, ղեկավարում է Ազգային Երիտասարդական Կիթառային Անսամբլիի բիրմինգհեմյան մասնաճյուղը և Ասոցացված անդամ է Թագավորական Երաժշտական Ակադեմիայում։ Նա նվագում է Christopher Dean-ի կիթառով և հանդիսանում է D’Addario Strings-ի համերգային արտիստ։

****

The Eden Stell Guitar Duo, comprising British guitarists Mark Eden and Christopher Stell, is internationally acclaimed for their dynamic performances and innovative approach to the classical guitar repertoire. Renowned for their technical brilliance and musical versatility, the duo has performed at prestigious venues and festivals across Europe, the USA, China, and beyond. Their wide-ranging discography includes both original works and inventive arrangements, earning praise from audiences and critics alike. As passionate educators, Mark Eden teaches at the Royal Birmingham Conservatoire and Christopher Stell at the Royal College of Music in London; together, they regularly give masterclasses and workshops worldwide, playing a significant role in expanding the repertoire and appreciation of the guitar duo format.

Eden Stell կիթառային դուետը՝ բաղկացած բրիտանացի կիթառահարներ Մարկ Էդենից և Քրիստոֆեր Ստելից, միջազգային ճանաչում ունի իրենց դինամիկ ելույթների և դասական կիթառի ռեպերտուարի նորարարական մոտեցման համար։ Հայտնի լինելով իրենց տեխնիկական վարպետությամբ և երաժշտական բազմակողմանիությամբ՝ դուետը հանդես է եկել հեղինակավոր բեմերում և փառատոներում Եվրոպայում, ԱՄՆ-ում, Չինաստանում և այլ երկրներում։ Նրանց ընդարձակ ձայնագրությունները ներառում են թե՛ օրիգինալ ստեղծագործություններ, թե՛ նորարարական մշակումներ, որոնք բարձր են գնահատվել հանդիսատեսի և քննադատների կողմից։ Որպես նվիրված մանկավարժներ՝ Մարկ Էդենը դասավանդում է Բիրմինգհեմի Թագավորական Կոնսերվատորիայում, իսկ Քրիստոֆեր Ստելը՝ Լոնդոնի Թագավորական Երաժշտական Քոլեջում։ Միասին նրանք պարբերաբար վարում են վարպետության դասեր և սեմինարներ ամբողջ աշխարհում՝ մեծապես նպաստելով կիթառային դուետ ժանրի զարգացմանը և ճանաչմանը։