|
19.10.18
Նոյեմբերյանի երաժշտական դպրոցը հյուրընկալել էր «վերածնունդ» մրցույթ-փառատոնի դափնեկիրներին
|
Շուրջ 10 տարի Հայաստանի արվեստների մայրաքաղաք Գյումրիում անցկացվում է «Վերածնունդ» մրցույթ - փառատոնը, որին ակտիվորեն մասնակցում են հանրապետության տարբեր մարզերի, ինչպես նաև արտերկրի երաժշտության և արվեստի այլ ճյուղերի ներկայացուցիչները: Ինչպես նախորդ տարիներին, այս տարի ևս Նոյեմբերյանի 60-ամյա երաժշտական դպրոցն անմասն չմնաց «Վերածնունդ» մրցույթ - փառատոնից: Այսօր մեր երաժշտական դպրոցում հյուրընկալվել էին Երևանի Կոմիտասի անվան Կոնսերվատորիայի Գյումրու մասնաճյուղի ուսանողները և «Վերածնունդ» մրցույթ - փառատոնի դափնեկիրները:
|
|
|
17.10.18
Բաղանիսը նոր մանկապարտեզ կունենա
|
|
ԱՄՆ-ում գործող «Փարոս» հիմնադրամի և Developmental Services for Armenia (DSA)-ի համատեղ ֆինանսավորմամբ Բաղանիսում մեկնարկել են նոր մանկապարտեզի շինարարական աշխատանքները (ծրագրի նախնական բյուջեն՝ 80 հազար ԱՄՆ դոլար): Այսօր Բաղանիս են այցելել հիմնադրամի անդամները՝ պատասխանատու Փիթեր Աբաջյանի գլխավորությամբ, ինչպես նաև՝ DSA-ի նախագահ Ֆլորա Դունայանցը: Վերջիններս տեղում ծանոթացել են կատարվող աշխատանքներին և գոհ են մնացել շինարարության թե՛ տեմպից, թե՛ որակից: Հիմնադրամի հետ ձեռք է բերվել պայմանավորվածություն՝ հետագայում նույնպես շարունակելու համագործակցությունը: Հավելենք, որ հոկտեմբերի 5-ին մեկնարկած շինարարությունը նախատեսվում է ավարտին հասցնել հաջորդ տարվա մայիսին: |
|
|
08.10.18
Կոթիի միջնակարգ դպրոցը վերանվանվել է
|
|
Հոկտեմբերի 6-ին Կոթիի միջնակարգն դպրոցն իր դռներն էր բացել բազմաթիվ կոթեցիների և հյուրերի առջև: Առիթը դպրոցի վերանվանումն էր. կրթական օջախն այսուհետ կկրի բազմավաստակ մանկավարժ, դպրոցի նախկին տնօրեն, լուսահոգի Շահնազար Շահնազարյանի անունը: Հանդիսությանը ելույթ ունեցան Տավուշի թեմի առաջնորդ Գերաշնորհ Տեր Բագրատ եպիսկոպոս Գալստանյանը, Տավուշի մարզպետ Վահե Ղալումյանը, Շահնազար Շահնազարյանի աշակերտները, գործընկերները, ընկերները, ընտանիքի բարեկամները: Միջոցառումը վարում էր Շ. Շահնազարյանի թոռնուհի Հասմիկ Հախվերդյանը, իսկ կիսանդրու բացումը կատարեցին ծոռնուհիները: |
|
|
05.10.18
Նոյեմբերյան համայնքի ղեկավար Կարեն Աբազյանի շնորհավորական ուղերձը՝ Ուսուցչի տոնի առթիվ
|
|
Սիրելի՛ ուսուցիչներ, ջերմորեն շնորհավորում եմ ձեզ մասնագիտական տոնի՝ Ուսուցչի օրվա առթիվ: Մեր դարավոր պատմության ընթացքում ուսուցիչը միշտ էլ ամենապատվավոր ու հարգալից տեղն է զբաղեցրել հասարակական կյանքում: Եվ դա պատահական չէ, քանզի որոշակի տարիքից մարդու աշխարհայացքը, կենսակերպը ձևավորվում է մանկավարժ-ուսուցչի հոգևոր ու մտավոր անմիջական ազդեցությամբ: Ձեր գործունեությունը վճռորոշ դեր և ռազմավարական նշանակություն ունի մարդու, ժողովրդի, պետության կյանքում, որովհետև դպրոցը, հատկապես հայերիս համար, սովորական աշխատավայր չէ, ուսուցչի մասնագիտությունն էլ` սովորական աշխատանք: Սիրելի ուսուցիչներ, ես գլուխ եմ խոնարհում ձեր դժվարին ու սրբագույն առաքելության առջև, քանզի անկախ ամենից ձեր շնորհիվ ...
Մանրամասն |
|
|
04.10.18
«Լավագույն երիտասարդական նախաձեռնություն» դրամաշնորհային ծրագրի հայտերի ներկայացման ժամկետը սպառվել է
|
|
«Սրբասար 2018» ամենամյա միջոցառման «Լավագույն երիտասարդական նախաձեռնություն» դրամաշնորհային ծրագրի շրջանակներում ստացվել է ծրագրային մեկ միասնական հայտ՝ Նոյեմբերյան քաղաքում գործող Նոյեմբերյանի տուրիզմի կենտրոն (NTC) և YWCA ՀԿ-ների կողմից: Աշխատանքային խմբի կարծիքով՝ ներկայացված ծրագրային հայտը համապատասխանում է «Սրբասար 2018» ամենամյա միջոցառման ընդհանուր նպատակներին և բավարարում է ներկայացված պահանջները: Աշխատանքային խումբը հավանության է արժանացրել ծրագրային հայտը և մինչև ս/թ հոկտեմբերի 15-ը ակնկալում է ծրագրի ամբողջական ներկայացումը՝ NTC և YWCA ՀԿ-ների կողմից:
|
|
|
27.09.18
Հիմնանորոգվել է Թիվ 1 մանկապարտեզի դահլիճի հատակը
|
|
Այս տարվա օգոստոսին Նոյեմբերյանի թիվ 1 մանկապարտեզում հիմնանորոգվեց դահլիճի՝ 60 քմ մակերեսով հատակը: Շուրջ մեկ ամիս տևած աշխատանքներն ամբողջությամբ կատարվել են համայնքի միջոցներով: Հատկանշական է, որ դահլիճը միաժամանակ ծառայում է որպես խաղասենյակ և ննջասենյակ, և փոքր տարածքը հնարավորություն չի տալիս ավելի շատ երեխաների ընդունել մանկապարտեզ: «Հայրենիք» բարեգործական հիմնադրամը սեպտեմբերի 26-ին հաստատել է Նոյեմբերյանի համայնքապետարանի կողմից ներկայացված ծրագիրը, որով նախատեսվում է շենքի բաց տարածքը դարձնել երեխաների ննջասենյակ: Դա հնարավորություն կտա մեծացնել երեխաների խաղասենյակը և նրանց համար ավելի հարմարավետ պայմաններ ստեղծել: |
|
| 1 2 3 4 5 6 7 8 9 10 ... |