Զեկ. ԿԱՐԵՆ ԱԲԱԶՅԱՆ

Ղեկավարվելով  <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 28-րդ կետով և <<Իրավական ակտերի մասին>> Հայաստանի Հանրապետության օրենքի 20-րդ հոդվածով՝

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է

1. Հաստատել Հայաստանի Հանրապետության Տավուշի մարզի Նոյեմբերյանի համայնքապետարանի աշխատակազմի աշխատակիցների թվաքանակը, հաստիքացուցակը, պաշտոնային դրույքաչափերը և կառուցվածքը` համաձայն հավելվածներ 1-2:

2. Ուժը կորցրած ճանաչել Նոյեմբերյան համայնքի ավագանու 13.10.2016 թվականի Նոյեմբերյանի համայնքապետարանի աշխատակազմի կառուցվածքը հաստատելու մասին թիվ 27-Ա որոշման հավելված 1-ը և 09.12.2016 թվականի Նոյեմբերյանի համայնքապետարանի աշխատակազմի աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին թիվ 40-Ա որոշման հավելված 1-ը:

 3. Չեղյալ համարել Նոյեմբերյան համայնքի ավագանու 01.12.2017 թվականի թիվ 74-Ա Նոյեմբերյանի համայնքապետարանի աշխատակազմի աշխատակիցների թվաքանակը, հաստիքացուցակը և պաշտոնային դրույքաչափերը հաստատելու մասին որոշումը:  

4. Առաջարկել Նոյեմբերյան համայնքի ղեկավարին` Նոյեմբերյանի համայնքապետարանի աշխատակազմի համայնքային ծառայության պաշտոնների անվանացանկում համապատասխան փոփոխություններ կատարելու առաջարկությամբ մեկշաբաթյա ժամկետում սահմանված կարգով դիմել Հայաստանի Հանրապետության կառավարության լիազորված պետական կառավարման մարմին:

5. Սույն որոշման 1-ին և 2-րդ կետերն ուժի մեջ են մտնում Հայաստանի Հանրապետության կառավարության լիազորված պետական կառավարման մարմնի կողմից համայնքային ծառայության պաշտոնների անվանացանկում համապատասխան փոփոխություններ կամ լրացումներ կատարելու մասին   իրավական ակտն ուժի մեջ մտնելու պահից: