Ղեկավարվելով Հայաստանի Հանրապետության հողային օրենսգրքի 66-րդ հոդվածով, «Տեղական ինքնակառավարման մասին»  օրենքի 35-րդ հոդվածի 1-ին մասի 16-րդ կետով, «Նորմատիվ իրավական ակտերի մասին  օրենքի 37-րդ հոդվածով, հիմք ընդունելով Նոյեմբերյան համայնքի ավագանու 14 հոկտեմբերի 2025 թվականի թիվ 308-Ա որոշումը` 

ՈՐՈՇՈՒՄ ԵՄ

ՀՀ Տավուշի մարզի Նոյեմբերյան համայնքի Ջուջևան բնակավայրի 11-056-0009-0001 կադաստրային ծածկագրով համայնքային սեփականություն հանդիսացող հողամասից, նպատակային նշանակությունը՝ արդյունաբերության, ընդերքօգտագործման և այլ արտադրական, գործառնական նշանակությունը՝ գյուղատնտեսական արտադրական օբյեկտների՝ 0.03900 հա մակերեսով հողամասը ուղղակի վաճառքով օտարել Ջահան Յուրիկի Իսրայելյանին՝ որպես անասնաշենքի պահպանման և սպասարկման տարածք 131300 (հարյուր երեսունմեկ հազար երեք հարյուր) դրամ արժեքով, որը պետք է վճարի Նոյեմբերյանի համայնքապետարանի 900395101133 գանձապետական հաշվեհամարին։