ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ՆՈՅԵՄԲԵՐՅԱՆ ՀԱՄԱՅՆՔԻ ՂԵԿԱՎԱՐ Հայաստանի Հանրապետության Տավուշի մարզի Նոյեմբերյան համայնք, Երևանյան 4 /0266/22703, /0266/22393, noyemberyan.tavush@mta.gov.am

Ո Ր Ո Շ ՈՒ Մ
15 ՍԵՊՏԵՄԲԵՐԻ 2021թվականի N 401-Ա

ԻՆՔՆԱԿԱՄ ԿԱՌՈՒՅՑԸ ՀԱՄԱՅՆՔԱՅԻՆ ՍԵՓԱԿԱՆՈՒԹՅՈՒՆ ՃԱՆԱՉԵԼՈՒ ԵՎ ՕՐԻՆԱԿԱՆԱՑՆԵԼՈՒ ՄԱՍԻՆ 

Ղեկավարվելով Հայաստանի Հանրապետության  քաղաքացիական օրենսգրքի 188-րդ հոդվածի 5-րդ մասի պահանջներով, հիմք ընդունելով ՀՀ կառավարության  2006 թվականի  մայիսի 18-ի N 731-Ն որոշումը, ՀՀ կառավարության  2006 թվականի մայիսի 18-ի N 912-Ն որոշման  4-րդ բաժնի 33-րդ, 34-րդ, 34.2-րդ 35-րդ և 35.1 կետերով, հաշվի առնելով, որ Նոյեմբերյան համայնքի  սեփականությունը հանդիսացող Նոյեմբերյան քաղաքի Վ. Տերյան փողոց 7 շենք,  11 ավտոտնակ հասցեում գտնվող 0.00407 հա մակերեսով՝ հողամասում առկա ինքնակամ կառույցը չի խախտում այլ անձանց իրավունքներն ու օրենքով պահպանվող շահերը, վտանգ չի սպառնում քաղաքացիների կյանքին և առողջությանը, նկատի ունենալով, որ այն կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողերի կազմում, ինժեներա-տրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք՝

ՈՐՈՇՈՒՄ ԵՄ՝

1. Նոյեմբերյան համայնքի սեփականությունը հանդիսացող Նոյեմբերյան քաղաքի Վ. Տերյան փողոց 7 շենք,  11 ավտոտնակ հասցեում գտնվող 0.00407 հա մակերեսով հողամասում (ծածկագիր 11-004-0039-0081-01, ներկայիս ծածկագիրը ըստ էլեկտրոնային քարտեզի 11-004-0039-0001), նպատակային նշանակությունը՝ բնակավայրերի, գործառնական նշանակությունը՝ բնակելի կառուցապատման) առկա ինքնակամ կառույցի՝  (ավտոտնակ՝ 81,38 քմ արտաքին մակերես, որից կիսանկուղ 35.3 քմ մակերես, ավտոտնակ 40.7 քմ մակերես, Բ/Պ 5.38 քմ և 63.65 քմ ներքին մակերեսով՝ կիսանկուղ 26.92 քմ, ավտոտնակ 31.35 քմ և Բ/Պ 5.38 քմ) նկատմամբ  ճանաչել Նոյեմբերյան համայնքի սեփականությունը և օրինականացնել:
2. Հանձնարարել Նոյեմբերյան համայնքի ղեկավարի կողմից լիազորված աշխատակցին գույքի նկատմամբ պետական գրանցում իրականացնելու նպատակով դիմել ՀՀ Կադաստրի կոմիտե և սահմանված կարգի համաձայն, գնման նախապատվատության իրավունքով, կառույցն իրականացրած անձին՝ Սեյրան Գուրգենի Ամիրխանյանին ներկայացնել գրավոր առաջարկություն:

ՀԱՄԱՅՆՔԻ ՂԵԿԱՎԱՐ                                             Կ. ԱԲԱԶՅԱՆ

20 __ թ. ______________   ____                                                                       
ք.Նոյեմբերյան